वाग्मती प्रदेश अन्तगत काठमाडौ जिल्ला नागार्जुन नगरपालिका वडा नं ५ को श्री जनउद्धार माध्यामिक विद्यालय नेपाली सेनाद्वारा सन्चालन गरिने राष्ट्रिय सेवा दल - NCC जुनियर तालिममा छनोट भएको छ । नेपाली सेनाको प्रमुख सेनानी श्री श्याम सुन्दर सापकोटाको प्रमुख आथित्यतामा विद्यालयमा मंसिर १३ गते राष्ट्रिय सेवा दल (National Cadet Cops - NCC) जुनियर क्याडेट छनोट सम्बन्धी एक दिने अभिमुखिकरण कार्यक्रम गरिएको थियो ।
नेपाली सेनाको प्रत्यक्ष सहभागीतामा गरिने सो तालिमबारे प्रमुख सेनानी सापकोटाले तालिमको आवश्यकता, महत्व र नेपाल राष्ट्रिय सेवा दल दिर्घकालीन लक्ष्यका बारेमा सहभागी विद्यार्थी, अभिभावक, जनप्रतिनिधि र सम्बध सरोकार पक्षहरुलाई जानाकारी गराउनु भएको थियो । विद्यालय व्यवस्थापन समितिका अध्यक्ष मुकुन्द खनालको अध्यक्षतामा सम्पन्न सो कार्यक्रममा प्रमुख अतिथि प्रमुख सेनानी श्याम सुन्दर सापकोटा, नेपाली सेनाका विभिन्न तहका व्यक्तित्वहरु, वडा नं. ५ का वडा सदस्य केशव थापा, प्रा.सु वेद बहादुर मल्ल, शिक्षक अभिभावक संघ तथा वि.व्या.स पदाधिकारीहरु, अभिभावकहरु, शिक्षक तथा विद्यार्थीहरुको उपस्थिति रहेको थियो ।
विद्यालयका शिक्षक राजन न्यौपानेद्धारा सन्चालित सो कार्यक्रममा विद्यालयका प्रधानाध्यपक श्री रवि खनालले स्वागत मन्तव्य दिदै नेपाली सेनाले असल, नैतिकवान र देश भक्त नागरिक निमार्ण कार्यमा यस विद्यालयका विद्यार्थीहरुलाई छनौट गर्न विद्यालय छनौट गर्नू भएकोमा नेपाली सेनाप्रति विशेष आभार तथा धन्यवाद व्यक्त गर्नु भएको थियो । कार्यक्रमको समन्वय, व्यावस्थापन तथा सहजिकरण विद्यालयका शिक्षक अभियान अनुरोध डि.सि.(मेघ विलास ढकाल) ले गर्नु भएको थियो । नेपाली सेनाको राष्ट्रिय सेवा दल - NCC जुनियर डिभिजनको मापदण्ड अनुसार अन्तिम छनोट भएका विद्यार्थीहरुलाई विद्यालय र क्याम्पमा नेपाली सेनाद्धार तालिम दिइने छ ।
