नसर्ने रोग र तिनका जोखिमहरु समयमा नै पहिचान गरि उचित परार्मश वा उपचार मार्फत नसर्ने रोग जटिल हुन नदिन र स्वस्थ्य व्यक्तिमा नसर्ने रोगको जोखिमलाई न्यूनिकरण गर्न आ.व. २०७५/०७६ मा नमुना कार्यक्रमको रुपमा सुरुवात गरिएको मुख्य मन्त्री जनता स्वास्थ्य परिक्षण कार्यक्रम अन्र्तगत मनमोहन मेमोरियल मेडिकल कलेज तथा शिक्षण अस्पतालमा काठमाडौँ महा-नगरपालिकाका मेयर विधा सुन्दर शाक्यद्घारा स्वास्थ्य परिक्षण अन्र्तगत होल बडी चेक अप गरी उक्त कार्यक्रमको सुरुवात गरिएको छ । मगंलबार विहान ९ बजे मनमोहन अस्पतालमा आउनुभएका मेयर शाक्यले सम्पुर्ण शरिरको चेक जाँच गर्नुभएको अस्पतालका प्रवन्ध निर्देशक डाक्टर धर्मदत्त सुवेदीले बताउनुभयो । मेयर शाक्यले यो कार्यक्रम निकै प्रभावकारी हुने र यस्ता कार्यक्रमहरुबाट सम्पूर्ण सेवाग्राहीहरु लाभान्वित हुने पनि बताउनुभयो । उक्त कार्यक्रमको लागि देहाय बमोजिमको स्वास्थ्य परिक्षण सेवा र उक्त परिक्षणको मुल्य देहाय बमोजिम निर्धारण गरिएको छ ः
यो कार्यक्रम अन्तर्गत स्वास्थ्य सेवा लिन मनमोहन मेमोरियल मेडिकल कलेज तथा शिक्षण अस्पताल स्वयम्भू लगायतका उल्लेखित अस्पतालहरुबाट सेवा लिनको लागि सम्बन्धित जिल्लामा बसोबास गर्ने व्यक्ति ३० वर्ष वा सो भन्दा माथि उमेर समूहको हुनु पर्नेछ र यदि ती व्यक्तिहरु लोपोन्मुख तथा अल्पसंख्यक जातिहरु तथा बेपत्ता परिवार र सशस्त्र द्धन्दका घाइतेहरु,महिला स्वास्थ्य स्वयम सेविकाहरु र लोकतान्त्रिक आन्दोलनका घाइते व्यक्तिहरु भएमा ती लक्षित समूहका नागरिकहरुलाई सम्बन्धित वडा अध्यक्षले सिफारिस गरि सेवा प्रदायक संस्थामा पठाएको खन्डमा निशुल्क रुपमा सेवा प्रदान गरिने कुरा मुख्य मन्त्री जनता स्वास्थ्य परिक्षण कार्यक्रम संचालन कार्यविधि २०७६ मा उल्लेख गरिएको छ ।
सामाजिक विकास मन्त्रालय प्रदेश नं ३, हेटौडा, मक्वानपूरद्धारा विनियोजित मुख्यमन्त्री जनता स्वास्थ्य परिक्षण कार्यक्रम अन्र्तगत मनमोहन मेमोरियल मेडिकल कलेज तथा शिक्षण अस्पतालमा निम्न उल्लेखित नगरपालिकाहरुलाई देहाय बमोजिम स्वास्थ्य सेवा प्रदान गरिने छ ।
काठमाडौँ महानगरपालिका अन्र्तगतका सबै वडाहरु
नागार्जुन नगरपालिका अन्र्तगतका सबै वडाहरु
टोखा नगरपालिका अन्र्तगतका सबै वडाहरु
तार्केश्वर नगरपालिका अन्र्तगतका सबै वडाहरु
बुडालिन्कण्ठ नगरपालिका अन्र्तगतका सबै वडाहरु
