संस्कृति सँरक्षणमा टौखेल हाइटका बलामी समुदायको उत्साहजनक सक्रियता

धर्म संस्कृति

गृहपृष्ठ
धर्म संस्कृति
संस्कृति सँरक्षणमा टौखेल हाइटका बलामी समुदायको उत्साहजनक सक्रियता

संस्कृति सँरक्षणमा टौखेल हाइटका बलामी समुदायको उत्साहजनक सक्रियता

बुधबार, भदौ १९, २०८१ Nagarjun Post

मिति २०८१/०५/१९ गते नेपाल सम्वत् ११४४

नेपाल सम्वत्को ९ महिना गुँला पर्वमा विशेष गरी नेवाः समुदायका बाँजा खलः समुहहरूले बाँजा बजाउदै नजिकैको वहा, वहाल, चैत्य, विहार परिक्रमा गर्ने प्रचलन रहेको छ । गुँला पर्वको समाप्तीको उपलक्ष्यमा नागार्जुन नगरपालिका वडा नं ६ टौखेलका स्थित टौखेल हाईट बलामी गुथि समाजद्वारा प्रशिक्षित धिमेस् तथा बाँसुरी बाँजा टोलीलेआज विहान ०६०० बजे टौखेल हाईट बलामी गुथी समाजको भवन नजिकै नास द्यस् लाई विशेष धुन अर्पण गरी स्वयम्भूनाथ तर्फ प्रस्थान गरेको थियो। विहान ०६४५ बजे धिमे तथा बाँसुरी बाजाँ सहित स्वयम्भू परिक्रमा गरी पहिलो गुँला पर्वमा सहभागिता जनाएका छन् । गुथिले नेवा भाषा तथा स्थानीय संस्कृती संरक्षण अभियान अन्तरगत विविध कार्यक्रमहरु सम्पन्न गर्दे आएको छ । गुथी समाजद्वारा गुँला पर्व मनाउने क्रममा पहिलो पटक धिमे तथा बाँसुरी बाँजा स्वयम्भूनाथ महाचैत्यमा बिभिन्न विशेष धुनहरु सहित परिक्रमा गरिएको थियो । बलामीहरू विशेषत आफूलाई नेवाः जाति अन्तरगत रहेको बताउछन्। नागार्जुन नगरपालिकामा टौखेल, रानीपाटी, पाँचधारा ईलाकामा बलामीहरुको बाक्लो बस्ती रहेको छ।

457138652_1213557369960715_6140521597561854234_n-1725441740.jpg

बाँजा टोलीले विशेष धुन सहित करिब डेढ घण्टा स्वयम्भू परिक्रमा गरेको थियो। बाँजा टोलीले प्रशिक्षण समापन पश्चात पहिलो पटक स्वयम्भूमा गुंला पर्वमा सहभागिता जनाएको गुथि समाजले जानकारी दिएको छ । गुँला पर्वमा विशेष गरी बाँजा टोलीहरूले नजिकको चैत्य, वहाल, मठ तथा स्तुपा र विहारमा विशेष धुन हरू सहित परिक्रमा गर्ने प्रचलन रहेको छ। गुथि समाजको पहिलो पटक सहभागिता जनाएको भएतापनि युवा पुस्ताको उल्लेखनिय सहभागिता रहेको थियो। सँस्कृति सँरक्षणमा बलामी युवाहरुको उत्साहजनक सहभागीताले सँस्कृति सँरक्षण एवं पुस्तान्तरणको प्रयास ज्यादै सराहनीय पक्ष हो । गुथि समाजका अध्यक्ष भाईकाजी बलामी लगायत पदाधिकारी तथा बाँजा खलःका सदस्यहरू र प्रशिक्षक सुन्दर श्रेष्ठ सहितको टोलीले मन्दिरमा बाँसुरी तथा धिमे विशेष धुनहरु प्रस्तुति गरेको थियो।

458187904_954195826514449_812183389015884039_n-1725441770.jpg

प्रकाशित मिति: बुधबार, भदौ १९, २०८१ १५:०८

प्रतिक्रिया दिनुहोस्