तेस्रो बागमती प्रदेश खेलकुद महोत्सवका लागि प्रस्थान गर्दै प्रशिक्षक किशोर खत्रीलाई सम्मान तथा बिदाइ

स्थानीय गतिविधी

गृहपृष्ठ
स्थानीय गतिविधी
तेस्रो बागमती प्रदेश खेलकुद महोत्सवका लागि प्रस्थान गर्दै प्रशिक्षक किशोर खत्रीलाई सम्मान तथा बिदाइ

तेस्रो बागमती प्रदेश खेलकुद महोत्सवका लागि प्रस्थान गर्दै प्रशिक्षक किशोर खत्रीलाई सम्मान तथा बिदाइ

शुक्रबार, जेठ २९, २०८३ Nagarjun Post

तेस्रो बागमती प्रदेश खेलकुद महोत्सव–२०८३ अन्तर्गत बक्सिङ विधाको छनोट प्रतिस्पर्धामा उत्कृष्ट प्रदर्शन गर्दै प्रदेशस्तरीय प्रतियोगिताका लागि छनोट भएका खेलाडीहरूको टोलीलाई नेतृत्व गर्दै हेटौँडा प्रस्थान गर्न लाग्नुभएका प्रशिक्षक किशोर खत्री लाई सम्मान तथा बिदाइ कार्यक्रम सम्पन्न भएको छ।

काठमाडौंमा सम्पन्न छनोट प्रतिस्पर्धाबाट छनोट भएका १९ जना खेलाडीहरूको टोलीको प्रशिक्षक तथा नेतृत्वकर्ताको रूपमा हेटौँडा प्रस्थान गर्न लाग्नुभएका प्रशिक्षक खत्रीलाई खेलकुद क्षेत्रप्रति पुर्‍याउनुभएको योगदानको कदर गर्दै सम्मान गरिएको हो।

कार्यक्रममा बोल्दै सहभागीहरूले प्रशिक्षक खत्रीले बक्सिङ खेलको विकास, खेलाडी उत्पादन तथा खेलाडीहरूको क्षमता अभिवृद्धिमा महत्वपूर्ण भूमिका निर्वाह गर्दै आउनुभएको उल्लेख गरेका थिए। उहाँको नेतृत्वमा टोलीले प्रतियोगितामा उत्कृष्ट प्रदर्शन गरी काठमाडौंको गौरव बढाउने विश्वास व्यक्त गरिएको थियो।

सो अवसरमा खेलाडीहरूलाई प्रतियोगितामा अनुशासित, आत्मविश्वासी र मेहनती भई उत्कृष्ट प्रदर्शन गर्न शुभकामना व्यक्त गरिएको थियो। साथै खेलकुदमार्फत स्वस्थ, सक्षम र अनुशासित समाज निर्माणमा यस्ता प्रतियोगिताहरूको महत्वपूर्ण भूमिका रहने धारणा व्यक्त गरिएको थियो।

बिदाइ कार्यक्रममा प्रशिक्षक किशोर खत्री तथा १९ सदस्यीय खेलाडी टोलीलाई सफल प्रतियोगिताको शुभकामना दिँदै सम्मान गरिएको थियो। सहभागीहरूले टोलीले तेस्रो बागमती प्रदेश खेलकुद महोत्सवमा उत्कृष्ट नतिजा हासिल गरी काठमाडौं तथा आफ्नो क्षेत्रको नाम उच्च राख्ने विश्वास व्यक्त गरेका थिए।

प्रकाशित मिति: शुक्रबार, जेठ २९, २०८३ १०:३९

प्रतिक्रिया दिनुहोस्