भ्रमण वर्ष २०२० सफल पारौ,वाकाथुन गर्न नागार्जुन जाऔ-नागार्जुन न.पा

पर्यटन

गृहपृष्ठ
पर्यटन
भ्रमण वर्ष २०२० सफल पारौ,वाकाथुन गर्न नागार्जुन जाऔ-नागार्जुन न.पा

भ्रमण वर्ष २०२० सफल पारौ,वाकाथुन गर्न नागार्जुन जाऔ-नागार्जुन न.पा

23-10-2076 Nagarjun Post

नागार्जुन नगरपालिकाले भिजिट नेपाल २०२० लाई लक्षित गरेर वाकाथुन पैदलयात्रा कार्यक्रम माघ २५ गते आयोजना गर्ने घोषणा गरेकोछ । माघ २५ गते शनिवार बिहान स्वयम्भु स्थित वुद्धपार्क, हलचोक भैरव ,आदेश्वर महादेव मन्दिर हुदै सेतोगुम्वा सम्म भब्य रूपमा वाकाथुन कार्यक्रम गर्न लागेको नगरपालिकाले जनाएको हो । नगरपालिका प्रमुख मोहन बस्नेतले नागार्जुनको सम्बृद्धिको आधार, पर्या–पर्यटन सहितको पूर्वाधार र आवासिय नगर बनाउने २० बर्ष रणनीतिक योजना रहेको, पर्यटकीय महत्व बोकेको यस नगरमा पर्यटन सम्भावनालाई उजागर गर्न सबैको साथ र सहयोगको अपेक्षा राखेको वताए ।

वाकाथुनको उद्घाटन संस्कृति, पर्यटन तथा नागरिक उडड्यन मन्त्री योगेश भट्टराईले गर्ने मेयर बस्नेतले बताएका छन् । साथै स्थानीय जनजाति तथा रहनसहनमा आधारित सांस्कृतिक झाँकी सहित शुरु हुने वाकाथुन कार्यक्रम सेतोगुम्वा पुगेर विविध सास्कृतिक कार्यक्रमका साथ सम्पन्न हुनेछ ।कार्यक्रममा नगरपालिका भित्रका जनप्रतिनिधि ,कर्मचारी , बिभिन्न संघसंस्था ,बिद्यालय ,सहकारी संस्था ,महिला तथा उपभोक्ता समिति लगायत सर्बसाधारण ब्यक्तिहरुको सहभागिता रहने समेत नगरपालिकाले जनाएको छ ।