नेपाल भ्रमण वर्ष २०२० लाई लक्षित गरी नागार्जुन नगरपालिकाले वाकाथुन (पैदलयात्रा)को कार्यक्रम गरेको छ।
स्थानीय तहका जनप्रतिनिधि, कर्मचारी, प्रदेश तथा संघका सांसद, नागरिक समाजका अगुवा लगायतको हजारौ सहभागिले पैदल यात्रा गरेका थिए।शनिबार विभिन्न जात जातीका झाकी,नाचगान सहित स्वयम्भू वुद्धपार्कबाट सुरु भएको पैदलयात्रा नगरपालिकाका विभिन्न धार्मिक,ऐतिहासिक,पर्यटकीय मनोरम स्थान हुँदै सेतो गुम्बामा पुगेर औपचारिक कार्यक्रममा परिणत भएको थियो।कार्यक्रमको उद्घाटन सहरी विकास राज्यमन्त्री रामवीर मानन्धर,नागार्जुन नगरपालिकाका नगर प्रमुख मोहन बस्नेत लगाएतले गरेका थिए ।नगरप्रमुख मोहन बस्नेतले नेपाल भ्रमण वर्ष २०२०मा नागार्जुन नगरपालिकामा भ्रमण गर्नुपर्ने स्थानहरु धेरै भएको बताए । नागार्जुन नगरपालिका पर्यटकीय क्षेत्रलाई नै विकास गरि संवृद्ध हुने नगरप्रमुख मोहन बस्नेत को भनाई थियो ।
कार्यक्रममा सङ्घीय सांसद जीवनराम श्रेष्ठले नेपालको अर्थतन्त्रको आधार नै पर्यटन व्यावसय भएकाले पर्यटकलाई आकर्षण गर्ने कार्यक्रम सञ्चालन गर्नुपर्नेमा जोड दिनुभयो । त्यस्तै प्रदेश सभा सदस्य केशब पोखरेल, प्रकाश श्रेष्ठ र जिल्ला समन्वय समिति काठमाडौंका प्रमुख शिवसुन्दर राजवैद्यले नागार्जुन नगरपालिका क्षेत्रमा भएका पर्यटकीय स्थलको बारेमा पर्यटकलाई चिनाउनुपर्ने बताउनुभयो । स्थानीय स्त्तरमा हुने कला, सँस्कृति, सम्पदा, पहिचान, उत्पादन र पर्यटकीय स्थललाई आन्तरिक बाह्रय पर्यटकीय मैत्री बनाउनका लागि पैदल यात्रा शुरू गरिएको हो । नगरपालिका क्षेत्रभित्र इचङ्गुनाराण मन्दिर हलचोक आकाश भैरव, रानीवन क्षेत्र, नागार्जुन जामाचो लगायतका पर्यटकीय स्थान चिनाउनका लागि उक्त पैदल यात्रा शुरु गरिएको हो । कार्यक्रममा विभिन्न कला र सँस्कृति झल्लकने झाँकी, नाँच प्रस्तुत गरिएको थियो । वाकाथुन कार्यक्रम सोचेको भन्दा पनि भव्य रुपमा सफल भएको कार्यक्रम संयोजक डा.आलोक प्रसाईले नागार्जुन पोष्टलाई बताउनु भयो ।
