नागार्जुन नगर प्रमुखद्धारा सप्ताह ज्ञान महापुराणको उद्घाटन

स्थानीय गतिविधी

गृहपृष्ठ
स्थानीय गतिविधी
नागार्जुन नगर प्रमुखद्धारा सप्ताह ज्ञान महापुराणको उद्घाटन

नागार्जुन नगर प्रमुखद्धारा सप्ताह ज्ञान महापुराणको उद्घाटन

2080-10-26 Nagarjun Post

नागार्जुन नगरपालिकाका नगर प्रमुख मोहन बहादुर बस्नेतले वडा नं. ६ स्थित उमागाउँमा ’उमागाउँ संरक्षण समूह’द्वारा धार्मिक, ऐतिहासिक एवं पुरातात्विक महत्व बोकेको श्री पञ्चकन्या देवी मन्दिर संरक्षणका लागि आयोजित सप्ताह ज्ञान महापुराणको उद्घाटन गर्नुभएको छ । नगर प्रमुख बस्नेतले श्री पञ्चकन्या मन्दिरको दर्शन गरि सोही परिसरमा नेपालको झण्डा झण्डोत्तोलन गर्नुभएको थियो । त त्पश्चातनगर प्रमुख बस्नेत तथा वडाध्यक्ष श्री देवेन्द्रराज गिरीले संयुक्त रुपमा बालव्यास पण्डित श्री नारायण न्यौपानेलाई भागवत् पुराणको पुस्तक हस्तान्तरण गरी सप्ताह पुराणको उद्घाटन गर्नुभएको थियो । सो आध्यात्मिक अवसरमा नगर प्रमुख बस्नेतले बोल्नुहुँदै सम्पूर्ण राजनैतिक व्यक्तित्वहरुले दलगत स्वार्थभन्दा माथि उठेर हामी सबै एक हौं भन्ने भावना नभएसम्म विकास कठिन रहेको कुरा व्यक्त गर्नुभयो । सो अवसरमा नगर प्रमुखले पुराणका लागि एकलाख रुपैयाँ चन्दा प्रदान गर्नुभएको थियो भने श्री पञ्चकन्या मन्दिरको निर्माण तथा संरक्षणका लागि नगरपालिकाका तर्फबाट आगामी आ.व.मा थप बजेटको व्यवस्था गर्ने प्रतिवद्धता व्यक्त गर्नुभएको थियो । उक्त कार्यक्रममा स्वयम्भु प्रहरीवृत प्रमुख श्री पूर्णिमा चन्द, विभिन्न वडाका वडाध्यक्षहरू, स्थानीय महानुभावहरूको बाक्लै उपस्थिति रहेको थियो ।