नागार्जुन नगरपालिकाले सर्बसाधारणलाई आगलागीबाट बच्नको लागी फायर एक्सटिङ्गगुईसर प्रयोग कसरी गर्ने भन्ने जानकारीमुलक भिडियो निर्माण गरेको छ । काठमाडौ दमकलका पुर्व प्रमुख तथा नागार्जुन न.पा वडा न ९ का बासिन्दा किशोरकुमार भट्टराईको सहयोग र सहकार्य यो भिडियो निर्माण भएको हो । भट्टराईका अनुसार नेपालमा फायर एक्सटिङ्गगुईसरको प्रयोग बढे पनि हाल सम्म नेपाली भाषामा सरल किसिमले सबैले बुझने गरि यस प्रकारको सार्बजनिक जानकारीमुलक भिडियो बनेको थिएन यो नै पहिलो हो । अग्रेजी भाषामा बिदेशीले निर्माण गरेको यस प्रकारको भिडियो अनलाईनमा देखिए पनि नेपाली भाषाको यो नै पहिलो हो । फायर एक्सटिङ्गगुईसर संचालनको नेपाली सुत्र पिताथिब किशोरकुमार भट्टराईले बनाएका हुन । उनले यस अघि घरेलु आगलागी नियन्त्रण बिधी अन्र्तगत एल पी ग्यासमा आगलागी हूने सम्भाबीत सात तरिकालाई स्थानीय स्तरमा उपलब्ध साधन श्रोत प्रयोग गरि कसरी नियन्त्रण गर्न सकिन्छ भन्ने जानकारीमुलक भिडियो बनाई सार्बजनिक गरिसकेका छन । किशोरकुमार भट्टराई काठमाडौ दमकल प्रमुख रहँदा नेपालमा फायर बाईकको निर्माण गरेका थिए । उनी जापान,अमेरिका,मलेशिया,केन्या र भारतबाट अग्नि नियन्त्रण उद्धार तथा केमीकल डिजाष्टर सम्बन्धी तालिम प्राप्त छन । नागार्जून नगरपालिकाले यस आर्थिक बर्षमा दुई केजी क्षमताको करिब छ हजार थान फायर एक्सटिङ्गगुईसर नगरबासीहरुलाई निशुल्क रुपमा बितरण गर्नको लागी फायर एक्सटिङ्गगुईसर खरिद प्रक्रियामा गईसकेको नगर प्रमुख मोहन ब बस्नेतले बताए । मेयर बस्नेतले नगरबासीहरुलाई आगलागीबाट बच्नको लागी निशुल्क रुपमा फायर एक्सटिङ्गगुईसर बाड्न लागेको र यसको प्रयोगको बारेमा आम नगरबासीलाई जानकारीको लागी बिज्ञको सहयोगमा यस प्रकारको चेतनामुलक भिडियो निर्माण गरेको साथै निकट भबिष्यमा नागार्जुन न.पा ले दमकल स्टेशन राख्ने योजना पनि रहेको प्रमुख बस्नेतले बताए ।
https://www.youtube.com/watch?v=emCDiXAJdks
