नेपाली काङ्ग्रेसको महाधिवेशन आउँदो मंसिरमा हुने भएको छ । मंसिर ९ देखि १३ गतेसम्म केन्द्रीय महाधिवेशन गर्ने निर्णय भएको केन्द्रीय सदस्य प्रदीप पौडेलले बताउनुभयो। भदौ १६ देखि १९ गतेसम्म तोकिएको महाधिवेशन हुन नसकेपछि कांग्रेसले तीन महिना पछि अर्को महाधिवेशन मिति तोकेको हो ।शनिबार बसेको केन्द्रीय समिति बैठकले १४ औं महाधिवेशन मंसिरमा गर्ने गरी नयाँ कार्यतालिका ल्याएको छ। महामन्त्री पूर्णबहादुर खड्काले प्रस्ताव गरेको महाधिवेशनलगायतका प्रस्तावहरू केन्द्रीय समिति बैठकले अनुमोदन गरेको हो।
यस्तो छ, कांग्रेसको १४ औं महाधिवेशनको प्रस्तावित कार्यतालिका
- गाउँ, नगर वडा अधिवेशन (२०७८ भदौ १८ गते)
- गाउँ, नगरपालिका अधिवेशन (२०७८ भदौ २७ गते)
- प्रतिनिधिसभा क्षेत्रीय अधिवेशन (२०७८ असोज १ गते)
- प्रतिनिधिसभा क्षेत्रीय अधिवेशन (एक मात्र प्रतिनिधिसभा निर्वाचन क्षेत्र भएको जिल्ला अधिवेशन (२०७८ असोज ५ गते)
- एकभन्दा बढी प्रतिनिधिसभा निर्वाचन क्षेत्र भएको जिल्ला अधिवेशन (२०७८ असोज १० गते)
- प्रदेश अधिवेशन (कात्तिक १०, ११ र १२ गते)
- केन्द्रीय महाधिवशेन (२०७८ मंसिर ९ गतेदेखि सुरु)
