पहिलो संस्करणको एभीसी एसियन सेन्ट्रल जोन सिनियर महिला भलिबल च्याम्पियनसिपको च्याम्पियन बन्दै नेपाली राष्ट्रिय महिला भलिबल टोलीले नेपाली भलिबल इतिहासमा ऐतिहासिक स्वर्णपदक जितेको छ ।बिहिबार भएको फाइनलमा नेपालले २५–१३, २५–१२ र २५–८ ले फाइनल आफ्नो पक्षमा पारेको हो । आजै तेस्रो स्थानका लागि भएको खेलमा किर्गिस्तानले घरेलु टोलीलाई ३–१ को सेटमा पराजित गरेको थियो ।नेपालकी स्पाइकर प्रतिभा माली उत्कृष्ट स्पाइकरसहित सर्बोत्कृष्ट खेलाडी चुनिइन् भने पहिलो अन्तर्राष्ट्रिय प्रतियोगिता खेलेकी सलिना श्रेष्ठ उत्कृष्ट लिबेरो बनिन् ।
२०१४ मा काठमाडौंमा आयोजना भएको दक्षिण एसियाली आमन्त्रण महिला भलिबल च्याम्पियनसिपमा जितेको रजतपदक नै नेपाली भलिबलको सबैभन्दा ठुलो पदक हो ।झण्डै दुई वर्षपछि महत्वपूर्ण अन्तर्राष्ट्रिय प्रतियोगितामा सहभागी नेपाली महिला भलिबल टोलीले कुनै पनि ठूला प्रतियोगितामा जितेको यो नै पहिलो स्वर्ण हो।
